АҞӘА, цәыббра 29, Sputnik. Аинформациатә маҵзуреи арадиои Sputnik адгылара знаҭо апроект "Ты супер! Танцы" алахәылацәа рзы Москватәи азоопарк ахь аекскурсиа мҩаԥган. Дара уахь ирыцнеиит, аекскурсиагьы рзымҩаԥыргеит адует "Непара" асолистцәа Александр Шьоууеи и Виктория Талышинскаиеи.
![Акәашаратә баттл: «Тодес» "Ты супер! Танцы" алахәылацәеи еицыкәашеит - Sputnik Аҧсны](https://cdnn1.img.sputnik-abkhazia.info/img/102177/71/1021777115_0:78:1280:641_600x0_80_0_0_c1731db14c6a04812eb70fb63152a739.jpg "Акәашаратә баттл: «Тодес» "Ты супер! Танцы" алахәылацәеи еицыкәашеит")
Амузыкантцәа рҩызцәа хәыҷқәа рзы аекскурсиа адагьы иааинырсланы аконцерт мҩаԥыргеит. Ахәыҷқәа ракәзар, акәашара бзиа ишырбо мҩашьо, ирзыкәашеит. Иахьазы, флешмоб ззырҳәо мҩаԥыргеит. Азоопарк аҭааҩцәа ракәзар, напеинҟьарыла ирыдыркылеит ирбоз.
"Оумашәа иссирхеит ҳамш. Ахәыҷқәа раԥхьа ирбоз аԥстәқәа ринтерес ркызаргьы Сашеи сареи ашәак рзаҳҳәарц иҳаҳәеит. Ҳәарада мап рцәаҳамкит. Даргьы ҳашәаҳәара кәашарыла идырԥшӡеит. Даара аҟыбаҩ рымоуп зегьы", — лҳәеит "Непара" асолистка Викториа Талышинскаиа.
Ашоу "Ты супер! Танцы" изаамҭанытәиу аушьҭымҭа ҟалоит цәыббра 30 асааҭ 20:00 рзы.
Ателерадиоеилахәыра НТВ-и жәларбжьаратәи аинформациатә маҵзуреи арадио Sputnik еиҿыркааз Жәларбжьаратәи аконкурс "Ты супер! Танцы" еизнагоит Урыстәылеи, ИАР атәылақәеи, Балтиа атәылақәеи рҟынтәи аҟыбаҩ ҷыда змоу аҿар.
Sputnik (sputniknews.com) — жәларбжьаратәи аинформациатә маҵзуреи арадиои атәылақәа жәпакы рҟны амультимедиатәи аинформациатәи хабқәа амоуп. Sputnik ашҟа иаҵанакуеит асаитқәа, арадиодырраҭарақәа, амобилтә хархәагақәа, иара убас, асоциалтә каҭақәа рҟны адаҟьақәа. Анапаҵаҩцәа рзы Sputnik, англыз, араб, аиспан, акитаи бызшәақәа рыла иҭыҵуеит.
Sputnik асаитқәа аԥхьаҩ идыргалоит: авидео, аинфографика, афоторепортаж, онлаин-ефирқәа, аинтернет-бжьыҭира. Аоперативтә жәабыжьқәа рыдагьы Sputnik иакьыԥхьуеит аналитикатә материалқәа, аексклиузив интервиуқәа.
