АҞӘА, жьҭаара 6 — Sputnik. Апремиа аиура рылаҳәан жьҭаара 5 рзы, Стакгольм ақалақь аҟны. Алаҳәара ҟалҵеит Швециатәи академиа амаӡаныҟәгаҩ Сара Даниус.
Исигуро — дравторуп ароманқәа жәпакы.
Алитературазы Нобель ихьӡ зху апремиа иналукааша аԥхьахәқәа иреиуоуп алитература адунеи аҟны. Еиуеиԥшымыз аамҭақәа рзы иара ранашьан Орҳан Памук, Томас Манн, Алеқсандр Солженицын, Альбер Камиу уҳәа аӡәырҩы.
2017 шықәсазы алитературатә Нобель ипремиа заур алшо ҳәа абукмекерцәа рыхьӡ рҳәон Нгуги ва Тхионго (Кениа), Харуки Мураками (Иапониа), Маргарет Етвуд (Канада), Урсула Ле Гуин, Салман Рушди, Джордж Мартин.
Нобель ихьӡ зху апремиа занашьахо ироуеит аԥхьахә — 1,1 миллион доллар, иара убасгьы амедал. Анашьара ацеремониа мҩаԥысуеит ԥхынҷкәынмзазы.
2016 шықәса рзы алитературатә премиа иоуит арок-музыкант Боб Дилан — ипоезиазы. 2015-шықәса рзы раԥхьаӡа акәны Нобель ипремиа ланашьахеит Беларуссиа атәылауаҩ Светлана Алексиевич.
