АҞӘА, жьҭаара 9— Sputnik. Родик Базба, Аԥсны Аԥыза-министр ихаҭыԥуаҩ, Аҩныҵҟатәи аусқәа рминистр Аслан Кобахьиа идҵала, Аҩныҵҟатәи аусқәа рминистрра Аҳәынҭқарратә автоинспекциа аиҳабыс даҭоуп. Абри аҭыԥ аҟны иара диԥсахит амилициа аполковник Наур Смыр ҳәа аанацҳауеит аминистрра асаит.
Уаанӡа Базба Аԥсны Аҩныҵҟатәи аусқәа рминистрра аштаб аиҳабы инапынҵақәа неигӡон.
Наур Смыр, аминистр идҵала, Аԥсны Аҩныҵҟатәи аусқәа рминистрра ауаажәларратә шәарҭадара амилициа аиҳабыс дҟаҵоуп, иара убасгьы Наур Смыр Аԥсны Аҩныҵҟатәи аусқәа рминистр ихаҭыԥуаҩ инапынҵақәа неигӡалоит.
Базба Родик Виктор-иԥа диит мшаԥымза 13 1971 шықәса рзы, Гәдоуҭа араион аацы ақыҭан.
Смыр Наур Григори-иԥа диит ажьырныҳәа 1 1966 шықәса рзы Гәдоуҭа араион Абӷархықә ақыҭан.
