АҞӘА, жьҭаара 13 — Sputnik. Ереванҟа ахәышәтәразы ирышьҭраны иҟоу агәыԥ ҿыц иалалоит Амина Бигәаа, Николь Хачатуриан, Сандра Инаԥшьба, Наала Аҩӡба, аха аԥара ззеизгатәны иҟоу хҩык ахәыҷқәа роуп. Наала Аҩӡба лоперациа ахәԥса ашәара дадгылеит жәларбжьаратәи афонд "Аԥсны" ахада Сенер Гогәуа. Абри атәы ҳалҳәеит афонд "Ашана" ахада Мактина Џьынџьалԥҳа.
Амине Бигәаа уаанӡагьы Ереван аоперациа лзырухьан. Аоперациа ашьҭахь аныҟәара далагеит. Уажәы аҩбатәи лшьапы аоперациа азутәуп.
Никольи Сандреи еиҩызцәоуп, класск аҟны еидтәалоуп, рчымазарагьы акоуп –ДЦП.
Аӡӷабцәа акоррекциатә школ иҭоуп. Бзиа ирбоит аԥхьара, ашәаҳәара.
ДЦП змоу Аԥснытәи ахәыҷқәа аԥшьбатәи ргәыԥ Ереванҟа ицоит.
