АҞӘА, жьҭаара 16— Sputnik. Аҿари астудентцәеи XIX Адунеизегьтәи рфестиваль аартра мҩаԥысит Шәача, Аҵаа Ахан аҟны. Аартра иалахәын 10-ҩык рҟынӡа аҿар, адунеи атәылақәа 150 рҟынтәи ҳәа аанацҳауеит Sputnik Литва.
Официалла афестиваль ааиртит Урыстәыла Ахада Владимир Путин. Владимир Путин Аҿари астудентцәеи XIX Адунеизегьтәи рфестиваль аҟны дықәгылеит. Афестиваль аахацыркхазар зегь раасҭа аҭбаара змоу ҳәагьы азиҳәеит.
Иара иҳәеит раԥхьатәи афестиваль 70 шықәса раԥхьа имҩаԥысит ҳәа.
"Усҟангьы, иахьа шәара иишәеиԥшыз аҿар ирыӡбеит рҽеидкыланы аибашьрақәа, аимакқәа, аиашамрақәа ирҿагыларц. Ишәасҳәоит, урҭ ирылшаз акыр ирацәоуп. Дара иҿаҿаӡа иаадырԥшит аиҩызара, аинырра, аидгылара аполитикатәи, амилаҭтәи, адинтәи, акультуратәи уҳәа еиԥшымзааара рԥырхаганы ишыҟам", — иҳәеит иара.
Афорум аиҿкааҩцәа ишырҳо ала уажәазы Шәача иҟоуп 20 нызқьҩык рҟынӡа афестиваль асасцәа, аиҿкааҩцәа, аволонтиорцәа. Иара мҩаԥысуеит жьҭаара 22 рҟынӡа.
Раԥхьатәи афестиваль мҩаԥган 1947 шықәса рзы Прага.
