АҞӘА, жьҭаара 16 — Sputnik. Шәача еизеит адунеи иреиӷьу ҳәа иршьо аҿар: ажурналистцәа, анџьнырцәа, арҵаҩцәа, аҵарауаа, аполитикцәа ҳәа аанацҳауеит Sputnik Молдова.
20 000-ҩык рҟынӡа афестиваль алахәылацәа Шәачаҟа иааит 150 тәыла рҟынтәи.
Урыстәыла ахаҭарнакцәа ирылшо зегьы ҟарҵоит асасцәа ишахәҭоу рԥыларазы, урҭ ргәы амырҿыӷьразы.
Убас, Краснодартәи атәылаҿацә ахаҭарнакцәа ирыӡбеит асасцәа аробот рԥылар аинтерес аҵалап ҳәа. Аробот азҵаара рацәа рҭак ҟанаҵоит, асасцәа абжьагарақәа рнаҭоит.
Еснагь амра зхаԥхо, зымшын ҟәандоу ҳәа иршьо Шәача асасцәа мшцәгьала ирԥылеит. Ус шакәугьы ақалақь аныҳәабжь ахыҩуеит.
Афестиваль асасцәа рҭагылазаашьа дырманшәалоит хә-нызқьҩык рҟынӡа аволонтиорцәа.
Еиуеиԥшым абызшәақәа рыла иуацәажәо, аччаԥшь зҿықәу аволонтиорцәа узразҵаауа зегьы рҭак рдыруеит, иарбанызаалак апроблемагьы узырыӡбоит.
