Гоԥиаԥҳа: аӷарра зыхҟьо аусурҭақәа рыҟамзаароуп

© SputnikМадина Бигвава (слева) и Камма Гопия (справа)
Мадина Бигвава (слева) и Камма Гопия (справа) - Sputnik Аҧсны
Анапаҵаҩра
НовостиTelegram
Sputnik Аԥсны амультимедиатә пресс-центр аҟны имҩаԥысит аӷарра аԥыхра Адунеизегьтәи амш иазкыз апресс-конференциа.

АҞӘА, жьҭаара 17– Sputnik, Амра Амҷԥҳа. Sputnik Аԥсны амультимедиатә пресс-центр аҟны имҩаԥысит аӷарра аԥыхра Адунеизегьтәи амш иазкыз апресс-конференциа. Агәыҳалалра-уаажәларратә еиҿкаара "Кьараз" анагӡаратә директор Камма Гоԥиаԥҳа апресс-конференциаҿы илҳәеит ареспубликаҿы аӷарра мзызны иамоу аусурҭатә ҭыԥқәа рыҟамзаароуп ҳәа.

"Аӷарра аԥсуаа рҟны иԥхашьароу акакәны иахәаԥшуан. Аҭаацәара усеиԥш уадаҩрак рымазаргьы рацәак идырзомызт. Аха иахьа ҳара ҳаиҿкаара аҟазаара иаанарԥшуеит ҳуаажәларра рыгәҭан абри апроблема ҭыԥ шамоу", — лҳәеит Гоԥиаԥҳа.

Лара лажәақәа рыла ахәыҷырацәа ахьыҟоу, ахымхәацәа ахьыҟоу, ан ма аб дахьыҟам аҭаацәарақәа рҟны апроблема ацхыраара мацарала аӡбра уадаҩуп. Усеиԥш иҟоу аҭаацәарақәа дара рхала рхы ныҟәыргалартә еиԥш аҭагылазаашьақәа рзаԥҵалатәуп.

"Ауаа аусура иацәшәом. Иҟоуп зхатәы нхамҩа змоу. Лассы-лассы иуаҳауеит ақыҭаҟны унхоны ухы шԥаузныҟәымго ҳәа рҳәо. Уахи-ҽни неиԥшьны аус ахьыруагьы аҽаҩра аныҟамло ыҟоуп. Ишԥаҟарҵари?", — лҳәоит Гоԥиаԥҳа.

Гоԥиаԥҳа лажәақәа рыла Очамчыра араион иаҵанакуа 300 ҭаацәара акыр иӷарны инхоит ҳәа ишьоуп.

"Уажәы ҳара Гәдоуҭатәи араион аҭҵаара ҳалагоит. Уаҟа еиҳа имаҷуп иӷару аҭаацәарақәа, аха усгьы иуԥылоит", — лҳәоит лара.

Аӷарра аԥырҟәҟәаара адунеизегьтәи Амш азгәарҭоит жьҭаара 17 рзы.

Ажәабжьқәа зегьы
0