АҞӘА, жьҭаара 27– Sputnik, Бадри Есиава, Бадраҟ Аҩӡба. VIII Аԥсны – Урыстәылатәи аусутә форум аҟны анапы рыҵаҩын раԥхьатәи аиқәшаҳаҭрақәа ҳәа аҭыԥ аҟынтәи иаҳзаарыцҳауеит ҳкорреспондентцәа.
Аусеицуразы аиқәшаҳаҭра рнапы аҵарҩит Аԥсны Ахәаахәҭра-Ааглыхратә Палатеи Ивановтәи аобласт Ахәаахәҭра-Ааглыхратә Палатеи. Аиқәшаҳаҭра рнапы аҵарҩит Аԥсны Ахәаахәҭра-Ааглыхратә Палата аиҳабы Геннади Гагәылиеи Ивановтәи аобласт Ахәаахәҭра-Ааглыхратә Палата аиҳабы Леонид Иванови.
Иара убасгьы афорум алахәылацәа рнапы аҵарҩит Аԥснынтәи Урыстәылаҟа аинерттә материал амҩаԥгаразы аиқәшаҳаҭра.
Апленартә еилатәара алагамҭазы Урыстәылеи Аԥсни рделегациақәа рлахәылацәа ашәҭшьыҵәрақәа шьҭарҵеит Ахьӡ-аԥша апарк аҟны.
Афорум аҟны ажәахәқәа ҟарҵеит Аҧсны Аҳәынҭқарра аҧыза-министр Беслан Барцыц, Аԥыза-министр ихаҭыԥуаҩ Беслан Ешба, Аекономика аминистр Адгәыр Арӡынба, Урыстәылатәи Афедерациа аекономикатә ҿиара аминистр ихаҭыҧуаҩ – аҳәынҭқарратә мазара анаҧхгараҭара азы Афедералтә маҵзура анаҧхгаҩы Дмитри Пристансков, Нхыҵ-Кавказ аусқәа рзы Урыстәылатәи Афедерациа аминистр ихаҭыҧуаҩ Ольга Рухуллаева.
