АҞӘА, жьҭаара 27 — Sputnik, Сариа Кәарацхьелиаԥҳа. Ачемпионат иалахәыз Аԥснытәи аспортсмен Саид Лордкипаниӡе аԥшьаша, жьҭаара 26 рзы имҩаԥысуаз аиндаҭлараан актәи аҭыԥ ааникылеит. Абри атәы ҳкорреспондент илзааицҳаит пауерлифтинг азы Аԥсны Афедерациа апрезидент Максим Быков.
"Саид Лордкипаниӡе 75 кьыла рҟынӡа зкапануа аспортсменцәа рыгәҭа адунеи дачемпионхеит. Саид аԥеиԥш бзиа змоу спортсменуп", — иҳәеит иара.
Саид Лордкипанидзе стал чемпионом мира по пауэрлифтингу до 75 кг
© Фото : Госкомспорт РА
Саид Лордкипаниӡе –пауерлифтинг азы Европа дачемптонуп, аспорт дазҟазоуп. Аспортсмен иазыҟаҵаҩ– Черкезиа Алеқсеи.
Пауерлифтинг азы адунеи ачемпионат мҩаԥысуеит Москва, жьҭаара 24-29 рзы. Ачемпионат иалахәуп 31 тәыла рҟынтәи 2 000- ҩык аспортсменцәа.
Пауерлифтинг — амч ахархәаратә спорт хкуп.
