Евразиатәи библиофорум аҿы Аԥснынтәи апоетесса ахԥатәи аҭыԥ аанылкылеит

© SputnikПресс конференция
Пресс конференция - Sputnik Аҧсны
Анапаҵаҩра
НовостиTelegram
Sputnik апресс-центр аҿы еиҿкааз авидеоцҳала аҩашаҽны жьҭаара 31 рзы Краснодар имҩаԥысуаз Евразиатәи абиблиотекатә интернет-форум "Аҿари ашәҟәыи – аԥеиԥш ҭынчаз" ҳәа хьӡыс измаз иалахәын Аԥсны амилаҭтә библиотека.

АҞӘА, абҵара 1 – Sputnik, Бадри Есиава. Апоетесса қәыԥш Милана Гебелиаԥҳа Евразиатәи абиблиотекатә интернет-форум "Аҿари ашәҟәыи – аԥеиԥш ҭынчаз " аҿы "Апоет қәыԥш" аноминациаҿы иаанылкылеит ахԥатәи аҭыԥ, абри атәы Sputnik акорреспондент изеиҭаиҳәеит Иван Папасқьыр ихьӡ зху Амилаҭтә библиотека аиҳабы Борис Ҷолариа.

"Ари аинтернет-форум аҿы изныкымкәа аԥхьахәтә ҭыԥқәа аанаҳкылахьан. Иахьа 19 шықәса зхыҵуа апоетесса қәыԥш Милана Габелиаԥҳа, иланашьоуп ахԥатәи аҭыԥ "Апоет қәыԥш" аноминациаҿы", — иҳәеит Борис Ҷолариа.

Аинтернет-форум Аԥсны ада иалахәын, Ҟазахсҭан, Белоруссиа, Урыстәыла еиуеиԥшым арегионқәа. Афорум ахықәкы хада – аҿар ашәҟәы аԥхьарахь рырхара.

Евразиатәи абиблиотекатә интернет-форум "Аҿари ашәҟәыи – аԥеиԥш ҭынчаз" мҩаԥысуеит Урыстәыла ахада Владимир Путин идҵала жәларбжьаратәи апроект "Амилаҭтә ҟазара реиҿцәажәара" аҳәаақәа ирҭыгӡаны.

Ажәабжьқәа зегьы
0