АҞӘА, абҵара 1— Sputnik. Азинхьчаратә органқәа итерактуп ҳәа ззыршьаз арыцҳара ҟалеит Ниу-Иорк ақалақь аҟны. Аидарамҩангага машьына аԥсҟы зкыз ауаҩы имашьына ашьаҟауаа ирылеиҵеит. Ааҩык ауаа ҭахеит, жәеизаҩык ахәрақәа роуит.
Саифулло Саипов Узбекисҭанынтә Америкаҟа дааит 2010 шықәса рзы. Аҵыхәтәантәи аамҭазы 29-шықәса зхыҵуа ахаҵа Флорида дынхон абри атәы аанацҳауеит Sputnik Узбекистан.
Ниу-Иорк аполициа русбарҭа адыррақәа рыла амашьына амҩа ианыҵны амаланыҟәа-цәаҳәа ианылеит Манхеттен араион аҿы. Амашьынарныҟәцаҩ амаланыҟәарныҟәцаҩцәа шьуа ашколтә автобус имашьына ажәиҵеит. Абри ашьҭахь апеинтбол азы атапанча ҭыхны аполициа аусзуҩ диехсит. Иара уажәы ахәышәтәырҭахь днагоуп.
Ниу-Иорк Ахада Билл Де Блазио ахҭыс терактуп ҳәа ахиҳәааит.
Атеракт ҟаиҵеит ҳәа агәаанагара ззыҟоу ауаҩы Uber аҟны аус иуан.
Uber ахаҭарнак ишьақәирӷәӷәеит ацәгьоуҩы дара реилахәыраҿы машьынарныҟәцаҩыс дшыҟаз, агәаҭаратә уснагӡатәқәа зегьы дшырхыжьыз.
Америкатәи АИХ иҟарҵо адыррақәа рыла 29-шықәса зхыҵуа Сеифулло Саипов имашьынаҟны ашәҟәы аанижьит атеракт "Исламтәи аҳәынҭқарра" ахьӡала имҩаԥызгоит ҳәа.
США Ахада Дональд Ниу-Иорк аполициа иахәҭаны иҟоу ацхыраара раҳҭоит ҳәа.
