АҞӘА, абҵара 3— Sputnik. Франциа анапхгара 2018 шықәса рзы имҩаԥысраны иҟоу Каледониа Ҿыц аҽҳәаақәҵаразы ареферендум ибзиоуп ҳәа ахырҳәааит иҳәеит атәыла Аԥыза-министр Едуард Филипп, ателеканал BFMTV аефираҿ ҳәа аанацҳауеит РИА Новости.
Архипелаг Каледониа Ҿыц Франциа Аокеан Ҭынч аҿы иамоу колониатә ҵакыроуп. 1998 шықәса рзы ихацыркыз Каледониа Ҿыц аҽҳәаақәҵаразы ареферендум ихнаркәшароуп адеколонизациа апроцесс.
Аплебисцит арыцхә макьаназы ишьақәырӷәӷәам, аха 2018 шықәса абҵарамза иахыгамхароуп ҳәа ишьоуп.
Каледониа Ҿыц — Франциа административ-ҵакыратә еиҿкаара ҷыдоуп, иара ахьӡ зху Аокеан Ҭынч аҿы иҟоу архипелаг аҿы иҟоуп, ауааԥсыра 245 000-ҩык инаӡоит, аиҳарак афранцызцәеи амеланезиааи роуп. Аҳҭнықалақь – ақалақь Нумеа.
