АҞӘА, абҵара 3 — Sputnik. Шьамтәылатәи арратә мчрақәа ахы иақәиҭыртәит атеррористцәа рнапаҿы иааганы ирымаз ақалақь Деир-ез-Зор ҳәа аанацҳауеит РИА Новости.
Иҟоу адыррақәа рыла аминаҵхыҩцәа ақалақь амҩадуқәеи ахыбрақәеи аминақәа рҟынтәи рыцқьара иаҿуп. Атеррористцәа рықәҵымҭазы иаанрыжьит имаҷымкәа иԥжәо ашьақәгылақәа.
Аԥшьаша ахәылбыҽха еилкаахеит Шьамтәылатәи аруаа атеррористцәа ақалақь рнапахьы ишааргаз. Убри аан иҭархан шәҩыла атеррористцәа.
