Акушер-гинекологцәа рзы имҩаԥыргоит акурсқәа

© Sputnik Бадрак АвидзбаКурсы повышения квалификации в республиканской больнице
Курсы повышения квалификации в республиканской больнице - Sputnik Аҧсны
Анапаҵаҩра
НовостиTelegram
Аԥснытәи акушер-гинекологцәа рзы акурсқәа мҩаԥнагоит адипломԥхьатә ҵара Урыстәылатәи академиа ахаҭарнакцәа.

АҞӘА, абҵара 6 – Sputnik, Бадраҟ Аҩӡба. Аҟәатәи ареспубликатә хәышәтәырҭаҿы Аԥснытәи акушер-гинекологцәа рзы акурсқәа мҩаԥнагоит адипломԥхьатә ҵара Урыстәылатәи академиа ахаҭарнакцәа.

"Х-мчыбжьа рыҩныҵҟа 144 сааҭ алекциақәа ҳарзыӡырыҩраны ҳаҟоуп. Алекциақәа мҩаԥыргоит зҟазареи ззанааҭдырреи ҳараку аҳақьымцәа", — лҳәеит Ареспубликатә хәышәтәырҭа ахшараира аҟәша аҳақьым хада Белла Ԥлиаԥҳа.

Лаар иазгәалҭеит Аԥснытәи аҳақьымцәа рдырра аизырҳаразы акурсқәа акыр шрыҵаркуа. Белла Ԥлиаԥҳа лажәақәа рыла акурсқәа мҩаԥгахоит аҳақьымцәа ркатегориақәа зегьы рзы.

"Еиҳа ихадоуп ҳәа иԥхьаӡаны акушерцәеи агеникологцәеи рдырра аизырҳарала ҳалагеит" — лҳәеит лара.

© Sputnik Бадрак Авидзба Курсы повышения квалификации в республиканской больнице
Курсы повышения квалификации в республиканской больнице - Sputnik Аҧсны
Курсы повышения квалификации в республиканской больнице

Адипломԥхьатә ҵара Урыстәылатәи академиа акушер-гинекологиатә кафедра аиҳабы Маргарита Скворцова еиҭалҳәеит алекциақәа акыр инарҭбааны, иҵауланы ишымҩаԥгахо.

Скворцова иазгәалҭеит акурсқәа рымҩаԥгара раԥшьгаҩцәа ргәаанагарала акурсқәа Аԥснытәи аҳақьымцәа русураҿы ихәарҭахароуп.

Аҟазара аизырҳаразы акурсқәа мҩаԥыргоит агәабзиарахьчара аусхк аҟны Аԥсни Урыстәылеи рҳәынҭқаррабжьаратә усеицура аҳәаақәа ирҭагӡаны. Акурсқәа реихшьаалақәа рыла аҭыԥантәи акушер-геникологцәа ироураны иҟоуп асертификатқәа.

Ажәабжьқәа зегьы
0