АҞӘА, абҵара 14— Sputnik. Ҭырқәтәылеи Урыстәылеи реизыҟазаашьақәа еиҭашьақәгылеит ҳәа уҳәар алшоит иҳәеит Владимир Путин Реджеп Таиип Ердогани иареи Шәача реиԥылараан. Абри атәы аанацҳауеит РИА Новости.
"Ҳаиԥылара алагамҭаз исҳәар сҭахуп ҳтәылақәа рыбжьара аизыҟазаашьақәа шьаҭанкыла ишеиҭашьақәгылаз", — иҳәеит Путин.
Иара иазгәеиҭеит 2016 шықәса рзы атауареикәыршара алаҟәра ашьҭахь, аҵыхәтәантәи 7-9 мза рзы иара ашьҭыҵра иалагеит. Владимир Путин ишазгәеиҭаз ала аусурақәа хырхарҭа рацәала ицоит.
Урыстәыла Ахада Ҭырқәтәыла Ахада иҭабуп ҳәа еиҳәеит реиԥыларазы.
Реджеп Таиип Ердоган иакәзар иҳәеит Урыстәылеи Ҭырқәтәылеи рыбжьара аизыҟазаашьақәа еиҳа-еиҳа ишеиӷьхо, иазгәеиҭеит аиԥылара атәылақәа рыҩбагь рзы хра аманы иҟалап ҳәа дышгәыӷуа.
