АҞӘА, абҵара 16— Sputnik, Бадраҟ Аҩӡба. Алиса Арӡынԥҳа Агәабзиарахьчара аминистрра астатс-маӡаныҟәгаҩыс дҟаҵоуп абҵара 15 рзы Аԥсны Аминистрцәа Реилазаараҿы.
"Алиса Дмитри-иԥҳа уаанӡагьы аус луан Агәабзиарахьчара аминистрраҿы. Аус адылулон "Агәабзиарахьчаразы" Азакәан"- иҳәеит Агәабзиарахьчара аминистр Ҭамаз Ҵахнакьиа.
Иара иазгәеиҭеит Алиса Арӡынԥҳа аминистрра хәарҭара алҭараны дыҟоуп ҳәа агәаанагара шимоу.
Алиса Арӡынԥҳа диит 1985 шықәса, жьҭаара 23 рзы Гәдоуҭа араион, Дәрыԥшь ақыҭан. 2007 шықәса рзы Аԥснытәи аҳәынҭқарратә университет далгеит. 2007 шықәса раахыс аус луан Аԥсны Жәлар Реизара Апарламент аҟны.
2015 – 2016шықәсқәа рзы аус луан зиндырҩыс Агәабзиарахьчара аминистрраҟны.
