АҞӘА, абҵара 17 – Sputnik. Арԥхаратә сезон хыркәшахоит 2018 шықәса мшаԥымза 15 рзы. Абри атәы аанацҳауеит Аладатәи арратә округ апресс-маҵзура.
Цәыббрамза инаркны аҟазауаа аусурақәа ирҿуп. Урҭ апрофилактикатә гәаҭарақәа мҩаԥыргоит.
Иахьазы 95% аобиектқәа аӡынра иазырхиоуп. Аокруг анхарҭатә фонди акоммуналтә маҵзурақәеи 100% арԥхара иазырхиоуп. Аӡынтә сезон зегьы аан аобиектқәа рымаҵ ауразы еиҿкаауп иҷаԥшьоу авариа-ремонттә бригадақәа.
Арԥхаратә сезон аҽазыҟаҵара хацыркын цәыббрамза инаркны. Абаза арԥхарратә нхамҩа аҟазауаа апрофилактикатә усурақәа мҩаԥыргеит, игәаҭоуп 3,5 нызқь метра аԥхарратә мҩақәа.
Арратә база аинфраструктура аобиектқәа ирыҵаркуеит аказармақәа, 20 инареиҳаны нхарҭа ҩны, аскладқәа, аҽыкәабарақәа, аштабтә хыбрақәа.
