Аҟәа, абҵара 24- Sputnik, Бадраҟ Аҩӡба. Ишьақәгылаз ахьшәашәара ацитрустә шәырқәа анырра рырымҭеит, абри атәы Sputnik акорреспондент изеиҭаиҳәеит Гәылрыԥшь араион ақыҭанхамҩа аҟәша аиҳабы Рафик Григориан.
"Макьна узыцәшәаша ҳәа акгьы ыҟам, аҳауаԥхарра 0 еиҵамхац. Гәылрыԥшь араионаҿ хаҭалатәи ацитрустә баҳчақәа рҿы аҽаҩра ҭагалоуп, иаанхеит аҳәынҭқарра иатәу ҩбаҳчак, амш шаабзиахалак уаҟагьы аусурақәа хыркәшахоит", — нациҵеит иара.
Рафик Григориан иазгәаиҭеит Аԥсны аҳауаԥхарра ҩградуск рҟынӡа шаку иахьылаҟәыз, ацитрустә шәырқәа ракәзар, —1С ° ахьҭа рзычҳауам.
"Иааидкылан араионаҿ иахьазы 50% рҟынӡа аҽаҩра ҭагалоуп", — еиҭаиҳеит агроном.
Ҵыпҳ Гәылрыԥшь араионаҿ 12 нызқь тонн ацитрустә шәырқәа ҭагалан, 2017 шықәса рзы 7 нызқь тонн ирзыԥшуп. Иааидкылан зыӡбахә ҳамоу араионаҿ ацитрустә шәырқәа 235 гектар рыҵаркуеит.
