Аԥсны Ахада официалтә ныҟәарыла Алада Уаԥстәылатәи Ареспублика даҭаауеит

© Sputnik / Томас ТхайцукЮбилей Академии наук Абхазии - 20 лет
Юбилей Академии наук Абхазии - 20 лет - Sputnik Аҧсны
Анапаҵаҩра
Рауль Ҳаџьымбеи Анатоли Бибилови иазыԥхьагәарҭоит ҩ-ганктәи аизыҟазаашьақәа рҭагылазаашьеи рԥеиԥши рызҵаарақәа рылацәажәара.

АҞӘА, абҵара 24– Sputnik. Абҵарамза 26-27 рзы Аԥсны Аҳәынҭқарра Ахада Рауль Ҳаџьымба Алада Уаԥстәылатәи Ареспублика Ахада Анатоли Бибилов иааԥхьарала Алада Уаԥстәылатәи Ареспублика официалтә ныҟәарыла даҭаауеит. Абри атәы аанацҳауеит Аԥсны Ахада иофициалтә саит.

"Абҵарамза 26 рзы аҩ-ҳәынҭқаррак Рхадацәа аиҿцәажәарақәа мҩаԥыргоит. Аҩганктәи аусеицура аҭагылазаашьеи уи ԥхьаҟатәи аԥеиԥши ирылацәажәараны иҟоуп, иара убасгьы аԥсуа-ауаԥс еизыҟазаашьақәа ԥхьаҟатәи рыҿиара азҵаарақәагьы. Авизит аҳәаақәа ирҭагӡаны аҩ-ганктәи аиқәшаҳаҭрақәа рнапаҵаҩра азгәаҭаны иҟоуп", — ҳәа аҳәоит апресс-маҵзура адырраҭара.

Аԥсны Аҳәынҭқарра Ахада напхгара зиҭо аделегациа иалоуп Ахада Иусбарҭа Аиҳабы Даур Аршба, Адәныҟатәи аусқәа рминистр Даур Ақаҩба, Аҵареи аҭҵаарадырреи рминистр Адгәыр Какоба, Ақыҭанхамҩа аминистр Даур Ҭарба.

Уаанӡа, 2017 шықәса мшаԥымзазы Аԥснытәи аофициалтә делегациа алахәын Аахыҵ-Уаԥстәыла Ахада Анатоли Бибилов иинаугурациа ацеремониа.

2017 шықәса ԥхынгәымзазы Аахыҵ-Уаԥстәыла Ахада Анатоли Бибилов Аԥсныҟа иофициалтә визит мҩаԥысит. Аофициалтә визит аҳәаақәа ирҭагӡаны имҩаԥган аиқәшаҳаҭрақәеи аконсультациақәа рыплани рнапаҵаҩра.

Ажәабжьқәа зегьы
0