АҞӘА, абҵара 24 – Sputnik. Есҽны Аԥсны иҟоу Аладатәи арратә округ 200-ҩык инарзынаԥшуа аррамаҵзурауаа ргәабзиара ҭырҵаауеит аԥсихологцәа.
Аԥсихологцәа ахархәара рырҭоит ҳаамҭа иақәшәо аморал-ԥсихологиатә зыҟаҵара аметодқәа. Абри атәы аанацҳауеит Аԥсны иҟоу Аладатәи арратә округ апресс-маҵзура.
"Аррамаҵзурауаа рнервтә система еиҭашьақәдыргылоит еиуеиԥшым арелаксациақәа рымҩаԥгарала" ҳәа аҳәоит апресс-маҵзура адырраҭараҟны.
Арелаксациа мҩаԥгара аамҭала 5-6 минуҭ аҭахуп, иаҭахуп амыруга ҷыдақәа.
Абаза аԥсихологцәа ражәақәа рыла анерв-жьышәтә релаксациа анырра бзиа азнауеит аррамаҵзураҩ иԥсихика, ацхыраара анаҭоит еиуеиԥшым ашәарҭаратә ҭагылазаашьақәа раан.
"Аррамаҵзурауаа комплексла иныҭҵааны ргәаҭара мҩаԥыргоит шықәсыбжак ахь знык" ҳәа аҳәоит адырраҭараҟны.
Уи адагьы, аруаҩ имаҵзура ахьихиго аҭыԥ ааигәара иҟазароуп аԥсшьараҭаҭыԥқәа: чаик ахьижәыша, шәҟәык дахьаԥхьаша.
