АҞӘА, абҵара 28– Sputnik. Италиатәи абазилика Санта Мариа Дель Поццо амаҵуҩы Аԥсны, Римтәи-акотоликатә уахәама аҭааҩцәа, Анцәа дхазҵо ирзааишьҭит астатуетка. Абри атәы Facebook аҿтәи идаҟьаҿы ианиҵеит Аԥсны Адәныҟатәи аусқәа рминистр ихаҭыԥуаҩ Кан Ҭаниа.
"Сара салахәын ақалақь Капурсо абазилика Санта Мариа Дель Поццо ауахәамаҿы Аԥсны Аҳәынҭқарра иазкны имҩаԥгаз амесса. "Ҳаҭыр зқәу ҳҭааҩцәа, еизаз, иахьатәи амесса аматанеирақәа азаҳкуеит Аԥсны Аҳәынҭқарра" ҳәа адинтә маҵзура хациркит абазилика амаҵзуҩы Филиппо Д'Алессандро", — иҳәеит Кан Ҭаниа.
Амесса хыркәшо Филиппо Д"Алессандро Кан Ҭаниа инапы иаиркит Дель Поццо Мадонна лсахьа зну аусумҭа, Аҟәатәи Римтәи-Акатоликатә уахәама аҭааҩцәа рзы. Кан Ҭаниа иакәзар, абазилика ҳамҭаны еиҭеит Симон Кананит исахьанҵа.
"Еизаз зегьы ҭабуп ҳәа шәасҳәар сҭахуп иахьатәи шәыматанеирақәа Аԥсны иахьазышәкыз. Сара шәбазиликазы Аԥснынтәи иаазгеит Иаса Қьырса иапостол, Аԥсны ақьырсианра аларҵәаҩцәа руаӡәк, Симон Кантәи исахьанҵа", — иҳәеит аҭакс Ҭаниа.
Амесса ашьҭахь Кан Ҭаниа иара убасгьы ирҭеит Иерусалимтәи Анцәа иқьашана ԥшьа Ватикантәи аорден аттестат, имҩаԥго агәыҳалалратә ус азы.
Аԥсны Адәныҟатәи аусқәа рминистр ихаҭыԥуаҩ Кан Ҭаниа усутә ҭаарыла Италиа дыҟан. Абри иныҟәараҟны иара дымҩаԥигон Аԥсны Адәныҟатәи аусқәа рминистрра анапынҵақәа рынагӡаразы Ацҳаражәҳәаҩ Вито Гриттани.
