АҞӘА, абҵара 28 — Sputnik. Амҽыша, Қырҭтәыла имҩаԥысыз ахәыҷтәы Евровидение – 2017 аҟны аиааира лгеит Урыстәылатәи ашәаҳәаҩ қәыԥш Полина Богусевич. Абри атәы аанацҳауеит РИА Новости.
Полина Богусевич иналыгӡеит ашәа "Амҵәыжәҩақәа". Богусевич иазгәалҭеит даара лгәы шыхыҭ-хыҭуаз, аиааира лара ишылгаз анрыларҳәагьы иаразнакы ишлызхамҵаз.
"Макьанагьы ацәа салоушәоуп сшыҟоу", — лҳәеит лара ателеканал RT аинтервиу аҭо.
Богусевич Игор Крутои имузыкатә Академиаҿы аҵара лҵоит. Уаанӡа далахәхахьан апроект "Голос. Дети". 2012 шықәса рзы жәларбжьаратәи арт-фестиваль "Езерски Бисери" (Македониа) алауреатс дҟалахьан. Иара убасгьы 2012 шықәса рзы лара дрылахәын ателепроектқәа "Окно в Париж", "Школа музыки". 2014 шықәса рзы дрылахәын апроектқәа "Песня года", "Рождественская песенка года", "Детская Песня года", Жәларбжьаратәи аконкурс "Детская Новая волна" далауреатуп.
