АҞӘА, абҵара 30 – Sputnik, Бадри Есиава. Аконцерт шьақәыргылоуп аклассикатәи акәашаратәи жанрқәа рыла ҳәа радио Sputnik Аԥсны иазеиҭалҳәеит Аԥсны зҽаԥсазтәыз артистка Нинель Бжьаниаԥҳа.
"Ҳдует иазнархиеит апрограмма ҿыц. Апрограмма аиҳарак барокко, аклассика, аромантизи музыка ала ишьақәгылоуп. Иара убасгьы апрограмма иалоуп аԥсуа композиторцәа рырҿиамҭақәа", — лҳәеит Бжьаниаԥҳа.
Лара лажәақәа рыла аконцерт иалахәхоит Адыгатәи Ареспублика асимфониатә оркестр амузыкантцәа.
Раԥхьаӡа акәны Нинель Бжьаниаԥҳаи Гәлиза Аҩӡыԥҳаи рдуеттә концерт Piano Duo мҩаԥысит 2016 шықәса, абҵарамзазы.
