Аԥқьаҭасыҩ Амина Аншԥҳа Ҭырқәтәыла араӡны медал ланашьахеит

© Foto / Ralf ReineckeАмина Аншба
Амина Аншба - Sputnik Аҧсны
Анапаҵаҩра
Ҭырқәтәылатәи ақалақь Анталиа абҵара 27 инаркны ԥхынҷкәын 4 рҟынӡа имҩаԥысуан аҳәса ртурнир ITF 15K. Атурнир есышықәса имҩаԥнагоит аԥқьаҭасразы Жәларбжьаратәи афедерациа.

АҞӘА, ԥхынҷкәын 4– Sputnik, Амра Амҷԥҳа. Аԥқьаҭасыҩ Амина Аншԥҳа Ҭырқәтәыла араӡны медал ланашьахеит. Абри атәы ҳкорреспондент ҭелла илзаалыцҳаит аԥқьаҭасыҩ лан Емма Кәартааԥҳа.

Амина Аншԥҳа лакәзар иазгәалҭеит ииасыз амчыбжь акыр ишыуадаҩыз. Асезон анҵәамҭазы лара Индиа имҩаԥысраны иҟоу атурнирқәагьы дрылахәхараны дыҟоуп.

"Анталиатәи атурнир аан асеиԥш алшара соуп ҳәа сыҟамызт, избанзар ааҽазыҟаҵарақәа рышьҭахь акыр сымчқәа каҳан иҟан, аха зегь сықәҿиеит. Афинал аҟынӡа снаӡеит. Зегьы ҭабуп ҳәа шәасҳәар сҭахуп. Исылшо зегь ҟасҵалоит сиааирақәа рыла шәсыргәырӷьарц", — лҳәеит аспортсменка.

Аамҭақәак раԥхьа Италиа ақалақь Санта-Маргарита аҟны имҩаԥысуаз аԥқьаҭасраз атурнир ITF аԥхьатәи атурқәа ҩба рҟны Амина Аншԥҳа Италиеи Австралиеи рҟынтәи аспортсменцәа Татиана Пиерии Джулиа Грабахери ираԥылгеит, ахԥатәи аикәшарахьгьы днеиит.

Амина Аншба - Sputnik Аҧсны
Аԥсуа ԥҳәызбеи аԥқьаҭмпыли: Амина Аншԥҳа аԥкьаҭмпыл ду аҿы

Уаанӡа аԥсуа ԥқьаҭасыҩ Амина Аншԥҳа Анталиа имҩаԥысуаз аԥқьаҭасразы ITF акатегориа иатәыз аиндаҭлара далахәын, аҩбатәи аҭыԥ аанылкылеит. Иара мҩаԥысуан цәыббра 18 — 24 рзы Ҭырқәтәыла, Анталиа.

Амина Аншԥҳа 14 шықәса рҟынӡа зхыҵуаз рыбжьара 2013 шықәса рзы зегьы драԥхьагылан, Урыстәыла, Бельгиа, Германиа, Швеицариа, Узбекистан, Ҭырқәтәыла имҩаԥысуаз жәларбжьаратәи атурнирқәа дрылахәын.

2016 шықәса рзы Европа ачемпионат аҿы 18 шықәса зхыҵуаз рыбжьара лҩызцәа ираԥылгеит. Уаанӡа 1995 шықәса рзы ираԥхьатәиу ҳәа атитул лыман Анна Курникова.

Амина дрылахәын: US Open (США), Roland Garros (Франциа) Wimbledon (Британиа ду)

 

Ажәабжьқәа зегьы
0