Павел Арӡынба ишьра инадҳәаланы ашьаус хацыркуп

© Sputnik / Томас ТхайцукЗдание генеральной прокуратуры
Здание генеральной прокуратуры - Sputnik Аҧсны
Анапаҵаҩра
НовостиTelegram
Павел Арӡынбеи Дмитри Ҳагбеи ршьит ԥхынҷкәын 13 асааҭ 17 рзы Ԥсоу-Егры амҩаҟны.

АҞӘА, ԥхынҷкәын 15 – Sputnik, Бадраҟ Аҩӡба. Аҟәа араион апрокуратура ԥхынҷкәын 13 рзы ашьаус хацнаркит Павел Арӡынбеи Дмитри Ҳагбеи рышьра инадҳәаланы. Абри атәы аанацҳауеит Аԥсны Апрокуратура хада апресс-маҵзура.

Фото с места обстрела автомобиля в районе Гумисты - Sputnik Аҧсны
Аԥсны Аҩныҵҟатәи аусқәа рминистрра Павел Арӡынба иԥсра шьақәдырӷәӷәеит

Аҩадатәи Ешыра иахьаҵанакуа автомашьына иаехсит ҳәа Аҟәа араион аҩныҵҟатәи аусқәа рыҟәшахьы адырра ҟаҵан ԥхынҷкәын 13 2017 шықәса, асааҭ 17:00 рзы.

"Аҭыԥ ахь инеиз аоперативтә гәыԥ ишьақәнаргылеит амҩаду Ԥсоу-Егры 99-тәи акилометр аҟны Аҟәа ақалақь аҟынтә Гәдоуҭаҟа зхы хаз автомашьына "Mercedes Benz" 221, аҳәынҭқарратә номер М 005 КК ишаехсыз" ҳәа аҳәоит адырраҭараҟны.

Иара убасгьы ишьақәыргылан ахысра шымҩаԥгаз Калашников иавтомат аҟынтәи.

"Иҭахаз рыԥсыбаҩ Ареспубликатә морг ахь инаган. Ашьаус Аҟәа араион апрокуратура аҟынтәи Аԥсны Апрокуратура хада ашьаусҭҵааратә усбарҭа иазынашьҭуп", — ҳәа азгәанаҭоит Апрокуратура хада апресс-маҵзура.

Уажәы имҩаԥысуа аусҭҵаарақәа рзырхоуп ацәгьа зуз ахаҿқәа рышьақәыргылара.

Ажәабжьқәа зегьы
0