АҞӘА, ԥхынҷкәын 27– Sputnik. Урыстәыла Аиҳабыра рхантәаҩы Дмитри Медведев инапы аҵеиҩит афедералтә биуџьет аҟынтәи аилахәыра "Интер РАО" аԥаразоужьра мҩаԥгахарц, ҳәа аанацҳауеит Урыстәыла Аиҳабыра азинтә информациа апортал.
Афедералтә биуџьет аҟынтәи ишәахоит 2017 шықәса жәабран-мшаԥы амзақәа рзы Егрытәи афымцастанциа ахьаанкылаз инамаданы "Интер РАО" Аԥсныҟа афымцамч иаанашьҭуаз ахәԥса ҳәа аҳәоит адокумент аҟны.
"Интер РАО" Аԥсныҟа афымцамч аанашьҭуан 2017 шықәса жәабран-мшаԥы амзақәа рзы Егрытәи афымцастанциа ахьаанкылаз инамаданы.
Аԥаразоужьра мҩаԥгахоит Урыстәыла Аенергетика аминистрреи "Интер РАО" рыбжьара анапы зҵаҩу аиқәшаҳаҭра инақәыршәаны.
2016 шықәса азы аилахәыра иазыршәараны иҟоуп 250 миллион мааҭ аԥара, 2017 шықәса рзы 522 миллион мааҭ.
