АҞӘА, ԥхынҷкәын 27 – Sputnik. Ашоу "Ты супер! Танцы" алахәылацәа аопера "Қьырсазтәи алакә" ианахәаԥш ашьҭахь, иԥылеит адирижиор, Мариинтәи атеатр амузыкатә напхгаҩы, Валери Гергиев.
Мариинтәи атеатр амузыкатә напхгаҩы Валери Гергиев акәашаҩцәа қәыԥшцәа ирымеидеит иԥышәа ду, ирзеиҭеиҳәеит аоркестр ду анапхгара амҩаԥысшьеи ауадаҩрақәеи, игәалаиршәеит дара ртәылақәа дшырҭаахьаз, иибаз-иаҳаз, игәаԥхаз ртәы.
Ахәыҷқәа ракәзар, азҵаара рацәа рыман.
"Адирижиорра уадаҩӡам – аоркестр аусушьа удыруазар. Аха уи удыруазарц ашықәс рацәа уҭаххоит", — иҳәоит Валери Гергиев.
Аԥснытәи ҳфиналистка дазҵааит адирижиор амузыкантцәа рыгхазы ираҽыԥниҳәо. Гергиев аҭак ҟаиҵеит "амузыкант бзиа агха ихьӡом" ҳәа.
"Питертәи ҳаԥсшьарамшқәа хашҭра рықәым. Уажәоуп сара ианеилыскаа Питер акультуратә ҳҭнықалақь ҳәа изашьҭо", — лҳәоит Милена Тачулиаԥҳа.
Жәларбжьаратәи аинформациатә маҵзуреи арадиои Sputnik апроект "Ты супер! Танцы" алахәылацәа рзы ашықәс ҿыцазтәи аҳамҭа азнархеит – Санкт-Петербург мчыбжьык аҟазаара.
Иара убасгьы амаҵзура аконкурсантцәа 18 шықәса рхыҵаанӡа есымзатәи астепендиа рзашәалоит, ианаамҭахо урыстәылатәи аҵараиурҭақәа рҭалараҿы ирыцхраалоит.
Sputnik (sputniknews.com) – Жәларбжьаратәи аинформациатә маҵзуреи арадиои Sputnik атәылақәа жәпакы рҟны амультимедиатә хабқәа амоуп.
Sputnik асаитқәа аус руеит 30 рҟынӡа бызшәа рыла. Ажәабжьтә лентақәа ракәзар, англыз, араб, акитаи, аиспан бызшәақәа рыла уахи-ҽни иҭыҵуеит.
