АҞӘА, ԥхынҷкәын 29 – Sputnik, Бадраҟ Аҩӡба. Ашықәс ҿыц аухаз Аԥсны ақәа леиуеит, абри атәы Sputnik иазеиҭалҳәеит Аԥсны Агитрометеорологиа аҟәша аусзуҩ Лариса Ахԥҳа.
"Асабшаҽны, шьыбжьышьҭахь, амш аҭагылазаашьа аҽеиҭанакуеит, Ашықәс ҿыц ауха инаркны ажьырныҳәа 1 шьыбжьаанӡа, ақәа леилоит, анаҩс амш еилгоит", — нацылҵеит лара.
Ажьырныҳәа 2 инаркны 4 нӡа амш ҭышәынтәалазаауеит, амра ԥхоит, иԥхаррахоит, азгәалҭеит Лариса Ахԥҳа.
"Ажьырныҳәа 4 рзы, ахәылбыҽха, ақәа леир алшоит, 5 инаркны 8- нӡа еиҭа амш еилгоит", — инаҵылшьит лара.
Лариса Ахԥҳа лажәақәа рыла аҳауагәаҭаҩцәа иаарласны Аԥсны асы леиуеит ҳәа макьана ирызҳәом. Дара ргәаҭарақәа рыла ажьырныҳәа мзазы ҳтәылаҿы асы ҟалом.
