АҞӘА, ажьҭаара, 10 — Sputnik. Урыстәыла Ацҳаражәҳәарҭа ахьгылоу аҿаԥхьа иҟоу ашҭа Борис Немцов ихьӡ ахҵоуп. Абри атәы аанацҳауеит РИА Новости.
Аԥхьанатә Борис Немцов ихьӡ Вашингтон амҩадуқәа руак ахҵазарц ажәалагала ҟаҵан 2016 шықәса рзы. Ажәалагала ҟаиҵеит асенатор-ареспубликанец марк Рубио. Аԥшьгара адгылара аиур США иҟоу Урыстәыла Ацҳаражәҳәарҭа аҭыӡҭыԥ "Борис Немцов Плаза, аҩ. 1" ҳәа иҟаларц иазыԥхьаӡан.
2017 шықәса рзы ақалақьтә еизараҿы иазгәаҭан аусурақәа рыхәԥса 2 000 доллар шдыртәо: арахь ишаҵанакуа амҩаҿы адыргақәа ркыдҵара.
Ақалақьтә еизара ахаҭарнак иара убасгьы иазгәеиҭеит Висконсин-авениу аҿы егьырҭ аҭыӡҭыԥқәа рыхьӡқәа шырмыԥсахуа.
Борис Немцов жәабран 28 2015 шықәса рзы Москва дшьын.
