АҞӘА, ажьырныҳәа 11 — Sputnik. Иахьазы адунеи аҟны зхыԥша дуу авалиута — Биткоин ахәԥса лаҟәит Аладатәи Кореиа аиустициа аминистр акриптовалиутала ахәаахәҭра ҟалом ҳәа аҳәамҭа аныҟаиҵа ашьҭахь. Абри атәы аанацҳауеит РИА Новости.
Апортал CoinMarketCap адыррақәа рыла 8,7% илеит, иагьартәеит 13,13 нызқь доллар. Абирж Bitfinex аҟны акриптовалиута 6,3% илеит, иартәеит 13,36 нызқь доллар, абиржа GDAX аҟны — 6,3% илеиит, иартәеит 13,47 нызқь доллар. Апортал Coindesk ишаҳәо ала, биткоин 11% рҟынӡа илеит, иартәеит 13,25 нызқь доллар.
Биткоин ахәԥса лаҟәит Аладатәи Кореиа аиустициа аминистр Пак Сан Ги акриптовалиутала ахәаахәҭра ҟалом ҳәа аҳәамҭа аныҟаиҵа ашьҭахь.
CoinMarketCap иҟанаҵо адыррақәа рыла акриптовалиута Ethereum 15,8% ахәԥса каҳаит, иартәеит 1,16 нызқь доллар, Ripple — 17,5%, иартәеит 1,64 доллар, Bitcoin Cash — 2,5%, иартәеит 2,41 нызқь доллар.
