АҞӘА, ажьырныҳәа 16— Sputnik. Владимир Путин иалхратә штаб аофициалтә саит аусура иалагеит ашәахьаҽны. Абри атәы аанацҳауеит РИА Новости, алхратә штаб апресс-маӡаныҟәгаҩ Андреи Кондрашов иажәақәа шьаҭас иҟаҵаны.
"Ажьырныҳәа 15 рзы Владимир Путин иалхратә штаб аофициалтә саит аусура иалагеит. Асаит еиҿнакааит акандидат иштаб аинформациатә блок", — иҳәеит Кондрашов.
Асаит еиднакылоит Путин идгыло аилазаарақәа. Уажәнатә уа рҽеидыркылахьеит 12 еилазаара. Асаит ианыԥшуеит арегионалтә штабқәа рҭелқәа, афедералтә уаажәларратә дкыларҭа, аштаб иаку аҭел.
600-ҩык злахәу аԥшьгаратә гәыԥ, 2017 шықәса ԥхынҷкәын 26 рзы Владимир Путин икандидатура ықәдыргылеит Урыстәыла Ахадас иҟаларазы.
