АҞӘА, ажьырныҳәа 19 – Sputnik. Аԥсны иҟоу Аладатәи арратә округ аррамаҵзурауаа рҭаацәеи дареи иазгәарҭеит Анцәа иӡаахра аныҳәа амшынӡы рҽыҭшьрала. Абри атәы аанацҳауеит Арратә округ апресс-маҵзура.
"Аӡыԥшьара мҩаԥигеит Аҟәа-Аԥснытәи Аепархиа ахаҭарнак", — ҳәа аҳәоит адырраҭараҟны.
Аррамаҵзурауаа аӡҽыҭшьра ашьҭахь ахьҭа рыламларц азы ааигәа игылоуп ирԥхоу амшьамба қьалақәа. Уахь инеиуа ачаи ршны ирыдыргалоит. Иара убасгьы иҷаԥшьоит амедицинатә усзуҩцәа.
Ажьырныҳәа 18 ауха аррамаҵзурауаа рҭаацәареи дареи Лыхнытәи ауахәамаҿи Афон ҿыцтәи ауахәамаҿи аныҳәатә нцәаишьапкра мҩаԥыргеит. Иааидкыланы аныҳәатә уснагӡатәқәа рыҽрыладырхәит 500-ҩык рҟынӡа аррамаҵзурауааи урҭ рҭаацәареи.
