АҞӘА, ажьырныҳәа 29 – Sputnik, Бадраҟ Аҩӡба. Аҟәа ақалақь аҟны аӡымҩангага ҿыцқәа рышьҭаҵара иаҿуп, Аԥсны асоциал-економикатә ҿиаразы Аинвестициатә план аҳәаақәа ирҭагӡаны ҳәа Sputnik акорреспондент изеиҭаиҳәеит АУН "Аӡыканал" аҟазауаҩ Важьа Кәыҵниа.
"Ҳара уажәы Араион ҿыц аҟынтәи Аҟәатәи аинтернат аҟынӡа аӡымҩангагақәа рышьҭаҵара ҳаҿуп", — иҳәеит иара.
![Прокладка водопроводных труб в городе Прокладка водопроводных труб в городе - Sputnik Аҧсны](https://cdnn1.img.sputnik-abkhazia.info/img/102300/59/1023005942_0:49:1280:853_600x0_80_0_0_d616abdc9d903ce68047a7df8ed01588.jpg)
![Прокладка водопроводных труб в городе Прокладка водопроводных труб в городе - Sputnik Аҧсны](https://cdnn1.img.sputnik-abkhazia.info/img/102300/60/1023006060_0:49:1280:853_600x0_80_0_0_2e132000f28f138b6e7d89b2cd2394e3.jpg)
![Прокладка водопроводных труб в городе Прокладка водопроводных труб в городе - Sputnik Аҧсны](https://cdnn1.img.sputnik-abkhazia.info/img/102300/58/1023005882_0:0:1279:803_600x0_80_0_0_6b8cda90a132047d5c14292e51c7b568.jpg)
![Прокладка водопроводных труб в городе Прокладка водопроводных труб в городе - Sputnik Аҧсны](https://cdnn1.img.sputnik-abkhazia.info/img/102300/58/1023005823_0:49:1279:853_600x0_80_0_0_4d78f626e26f48e9e5af08b095d4f04d.jpg)
![Прокладка водопроводных труб в городе Прокладка водопроводных труб в городе - Sputnik Аҧсны](https://cdnn1.img.sputnik-abkhazia.info/img/102300/60/1023006001_0:30:1279:834_600x0_80_0_0_094d5fd8bef253c2f0e2d07bc10f5eb6.jpg)
Аусурақәа ирылаган мчыбжьык аԥхьа. Абри аамҭала 500 метра инарзынаԥшуа атрубақәа шьҭаҵан. Ишьҭаҵатәны иҟоуп 5 километрак инарзынаԥшуа аӡымҩангагақәа.
"Адгьылқәа ахьымҳәазо аҭыԥқәа рҿы апластикатә трубақәа шьҭаҳҵоит, адгьылқәа ахьыҳәазо аҭыԥқәа рҿы — аихатәы. Апластикатә трубақәа Краснодарнтәи иааҳгоит, аихатәы трубақәа Москвантәи иаҳзаарышьҭуеит", — иҳәеит Важьа Кәыҵниа.
Аинвестициатә программа инақәыршәаны аӡымҩангагақәа хышықәса рыҩныҵҟа ишьҭаҵаны иалгоит.
Аусурақәа анхыркәшахалак ашьҭахь, аҳҭнықалақь аҟны аӡы ԥымкрада иҟалоит, апластикатә трубақәа ракәзар, рхархәара 70 шықәса рҟынӡа артәоит иҳәеит Кәыҵниа.