Очамчыратәи ахәыҷтәы ансамбль "Абжьыуаа" агәырӷьара ҳзаанагеит

© Фото : предоставлено Сюзанной ПертаяУчастники детского ансамбля "Абжьыуаа" выиграли два первых места и взяли гран-при
Участники детского ансамбля Абжьыуаа выиграли два первых места и взяли гран-при - Sputnik Аҧсны
Анапаҵаҩра
НовостиTelegram
Очамчыратәи ахәыҷтәы ансамбль "Абжьыуаа" Жәларбжьаратәи ахореографиатә фестиваль-еиндаҭлара "Звездный микс" иалахәын. Афестиваль мҩаԥысуан Москва, ажьырныҳәа 27-28 рзы.

АҞӘА, ажьырныҳәа 29 – Sputnik. Актәи аҭыԥқәа ҩбеи Гран-прии анашьахеит Очамчыратәи ахәыҷтәы ансамбль "Абжьыуаа" Жәларбжьаратәи ахореографиатә фестиваль-еиндаҭлара "Звездный микс" аҟны ҳәа Sputnik иазаалыцҳаит ансамбль алахәыла лан Сиузана Пертаиа.

Жә-шықәса зхыҵуа ансамбль алахәыла Александра Гәарамиаԥҳа лан, Сиузанна Пертаиа иазгәалҭеит Гран-при дара зынӡаскгьы ишазыԥшымыз.

"Ҳакәашацәа рыхьӡ акраамҭа ирҳәомызт. Дара реиԥш ҳаргьы ҳагәқәа хыҭ-хыҭуан. Ашәара ҳаман акгьы ҳаҵанамкыр ҳәагьы. Аҵыхәтәан алаҳәара ҟарҵеит актәи аҭыԥқәа ҩба ансамбль "Абжьыуаа" ианашьоуп ҳәа. Уи гәырӷьаран. Уи ашьҭахь ирыларҳәеит Гран-пригьы ҳансамбль ишанашьаз", — ҳәа еиҭалҳәоит лара.

Москватәи афестиваль аҟны ансамбль инанагӡеит акәашарақәа хԥа: аԥсуа кәашара, ауаԥс кәашара, Кавказтәи ажәларқәа рыкәашарақәа рпопурри.

Ансамбль асахьаркыратә напхгаҩы Ҭимур Тыҩба иажәақәа рыла Москваҟа ицеит 35-ҩык ахәыҷқәа. Урҭ мҩаԥыргон аҭаацәа рхаҭарнакцәагьы.

© Предоставлено: Сюзанна ПертаяДва первых места и Гран-при завоевал ансамбль "Абжьыуаа" в Москве
Два первых места и Гран-при завоевал ансамбль Абжьыуаа в Москве - Sputnik Аҧсны
Два первых места и Гран-при завоевал ансамбль "Абжьыуаа" в Москве

Ансамбль "Абжьыуаа" араионтә ансамбль "Ерцахә" ахәыҷтәы гәыԥ иахәҭакын. Хаз иго ансамбльны еиҿкаахеит хышықәса раԥхьа. Иара еиднакылоит 80-ҩык рҟынӡа акәашаҩцәа ҿарацәа.

Очамчыратәи ахәыҷтәы ансамбль "Абжьыуаа" алахәын Жәларбжьаратәи ахореографиатә фестиваль-еиндаҭлара "Звездный микс" иалахәын. Афестиваль мҩаԥысуан Москва, ажьырныҳәа 27-28 рзы.

Ажәабжьқәа зегьы
0