АҞӘА, ажьырныҳәа 30 – Sputnik. Акыраамҭа зегьы ззыԥшыз авокалтә конкурс "Ты супер!" аҩбатәи асезон хацыркхоит жәабран 10 2018 шықәса рзы.
Аицлабра иалахәхоит зҭаацәара зцәыӡыз ахәыҷқәа, ашкол-интернатқәа рҟны ирааӡо мамзаргьы атәым ҭаацәарақәа рҟны ирааӡо: Урыстәыла, Аԥсны, Азербаиџьан, Ермантәыла, Беларуссиа, Қырҭтәыла, Ҟазахсҭан, Кыргызсҭан, Молдавиа, Украина, Естониа, Аахыҵ Уаԥстәыла рҟынтә.
Аԥхьатәи апроект "Ты супер!" мҩаԥысит Урыстәыла Аҵареи аҵарадырреи рминистрра адгыларала. Апроект амҩаԥгаҩыс ҵыԥх еиԥш сынтәагьы дҟалоит Вадим Такмениов.
Иҳаҩсыз амчыбжь азы еилкаахеит аӡбаҩцәа руаӡәк Сергеи Лазарев шиаку. Егьырҭ аӡбаҩцәа рыхьыӡ ҳәахоит апресс-конфренциаҿы, ажьырныҳәа 31 асааҭ 11:00 рзы жәларбжьаратәи амультимедиатә пресс-центр "Россия сегодня" аҿы имҩаԥысран иҟоу.
Авокалтә конкурс актәи асезон "Ты супер!" аҿы аиааира лгеит Очамчыратәи ашкол-интернат ааӡамҭа Валериа Адлеиаԥҳа.
