АҞӘА, жәабран 13 – Sputnik, Бадри Есиава. Жәабран 12 рзы Аԥсны Апарламент аҟны ишьақәдырӷәӷәеит Алиса Бигәааԥҳа лкандидатура, аконституциатә ӡбарҭа аӡбаҩык лыҳасаб ала. Абри атәы аҭыԥ аҟынтәи иааицҳаит Sputnik Аԥсны акорреспондент.
Алиса Бигәааԥҳа лкандидатура апрламентарицәа ирыдигалеит Аԥсны Ахада Иусбарҭа анапхгаҩы ихаҭыԥуаҩ Дмитри Шамба.
Апарламент аиҳабы Валери Кәарҷиа иазгәеиҭеит Аконституциатә ӡбарҭа еиҿкаатәуижьҭеи акыр шыҵуаз. Иара иҩызцәа ирабжьигеит Алиса Бигәааԥҳа лкандидатура иадгыланы рыбжьы рҭиирц.
Аԥхьаӡаратә комиссиа ахантәаҩыс далхын адепутат Валери Агрба, акомиссиа аилазаарахь иалхын Инал Ҭарбеи Александр Цәышбеи.
Маӡалатәи абжьыҭирала Алиса Бигәааԥҳа лзы рыбжьы рҭиит 23-ҩык адепутатцәа, аӡәы уи мап лцәикит.
Уаанӡа Аԥсны Апарламента аҟны ишьақәдырӷәӷәахьан Лиудмила Хоџьашьвили, Рауль Пантиа, Диана Ԥлиаԥҳа, Нури Ҭаниа ркандидатурақәа Аконституциатә ӡбарҭа аӡбаҩцәа рыҳасаб ала.
