Волков: Аԥсныҟа иаауа аԥсшьаҩцәа абжьы аҭаразы ԥынгыла роуам

© Sputnik / Илья Питалев / Афотобанк ахь аиасраПередача подписей в поддержку регистрации Г. Явлинского на выборах президента РФ
Передача подписей в поддержку регистрации Г. Явлинского на выборах президента РФ - Sputnik Аҧсны
Анапаҵаҩра
Yandex newsTelegram
Урыстәылатәи Афедерациа Ахада иалхразы абжьыҭира мҩаԥысраны иҟоуп 2018 шықәса хәажәкыра 18 рзы.

АҞӘА, жәабран 20 — Sputnik. Урыстәыла атәылауаа, Аԥсныҟа ԥсшьара иаауа абжьыҭира амш аҽны ареспублика алхратә ҭыԥқәа рҟны инеины рыбжьы рҭиир рылшоит, уи шымҩаԥыргаша атәы далацәажәеит радио Sputnik аҟны Урыстәыла аҵакыра анҭыҵ абжьыҭира аиҿкааразы акомиссиа ахантәаҩы Васили Волков.

"Урыстәыла атәылауаа, Аԥсныҟа ԥсшьара иаауа абжьыҭира амш аҽны ареспублика алхратә ҭыԥқәа рҟны инеины рыбжьы рҭиир рылшоит, уи азин рымоуп. Абри аан дара ирымазароуп Урыстәыла атәылауаҩ итәылауаҩшәҟәы мамзаргьы аҳәаанырцәтәи атәылауаҩшәҟәы. Алхратә ҭыԥ ахь инеиз алхыҩцәа рсиа данырҵоит", — иҳәеит Волков, иагьазгәеиҭеит иарбанызаалак ԥынгылак алхҩы ишимоуа.

Билборд с символикой выборов президента РФ 2018. - Sputnik Аҧсны
Аԥсны алхратә ҭыԥқәа рхыԥхьаӡара иацҵахоит

Васили Волков алхыҩцәа ирабжьигеит заанаҵы еилыркарц рыԥсы ахьыршьо аҟынтәи еиҳа ирзааигәаны иҟоу алхратә ҭыԥ ахьыҟоу. Уи Урыстәыла Ацентртә алхратә комиссиа асаит аҟны иарбахоит.

Абри аинформациа ҟанаҵоит Аԥсны иҟоу Урыстәыла Ацҳаражәҳәарҭагьы. Ацҳаражәҳәарҭа уҽызламоудо аҭелқәа Урыстәыла Ацентртә алхратә комиссиа асаит аҟны иарбахоит.

Волков иҳәеит алхратә ҭыԥқәа рхыԥхьаӡара ишацҵо. Убас ала алхыҩцәа рзы еиҿкаауп иманшәало аҭагылазаашьақәа.

Урыстәыла Ахада иалхра рхы аладырхәыр рылшоит абжьыҭира амш аҽны 18-шықәса зхыҵыз зегьы. Абжьыҭиразы дара ирымазароуп урыстәылатәи атәылауаҩшәҟәы.

Аԥсны ԥсшьара ҳәа иҟоу Урыстәыла атәылауаа зегьы ирылшоит 2018 шықәса хәажәкыра 18 рзы ирҭаху акандидат изы рыбжьы рҭиир.

Алхратә биуллитен иануп: Сергеи Бабурин, Павел Грудинин, Владимир Жириновски, Владимир Путин, Ксениа Собчак, Максим Сураикин, Борис Титов, Григори Иавлински.

Ажәабжьқәа зегьы
0