Аҟәеи Липецки рсахьаҭыхыҩцәа қәыԥшцәа рцәыргақәҵа Аҟәа иаатит

© SputnikВыставка
Выставка - Sputnik Аҧсны
Анапаҵаҩра
НовостиTelegram
Аҟәеи Липецки рсахьаҭыхыҩцәа қәыԥшцәа рцәыргақәҵа хәажәкыра 20 рҟынӡа иаартызаауеит.

АҞӘА, жәабран 28 – Sputnik, Бадраҟ Аҩӡба. Аҟәатәи ахәыҷтәы арҿиаратә ҩны "Аинари", Липецк ақалақь асахьаҭыхратә ҵараиурҭа №2 аҵаҩцәеи рцәыргақәҵа аҳҭнықалақь аҿы иаатит жәабран 27 рзы.

"Липецктәи асахьаҭыхратә школи ҳареи ацәыргақәҵақәа еицымҩаԥаагоижьҭеи абар уажәшьҭа бжьышықәса ҵуеит. Еиуеиԥшым ацәыргақәҵақәа иара уаҟа Липецк иҟаҳҵахьеит, ҳара ҳҟынгьы зныкымкәа-ҩынтәымкәа имҩаԥаагахьеит. Уажәтәи ацәыргақәҵа Липецктәи асахьаҭыхратә школ аҵаҩцәеи ҳара ҳастудиа аҵаҩцәеи ҳаилахәны еицымҩаԥаагоит", — иҳәеит ахәыҷтәы арҿиаратә ҩны "Аинар" аиҳабы Витали Кацәба.

Уи игәаанагарала, арҿиаратә еинырра аԥсуа сахьаҭыхцәа рҟазара арҿиара аус аҟны даара акрызҵазкуа акоуп.

"Липецктәи асахьаҭыхратә школ даараӡа аҩаӡара ҳаракуп, ҳхәыҷқәа урҭ ирҿырҵааша маҷымкәа иҟоуп", — азгәеиҭеит Кацәба.

Аԥснытәи асахьаҭыхыҩцәа рырҿиара Липецктәи рықәлацәа русумҭақәа иахьреиԥшым ыҟоуп ҳәа иԥхьаӡоит иара.

"Ҳара ҳхәыҷқәа еиҳа иаарту аԥшшәқәа рхы иадырхәиот, Липецктәи ахәыҷқәа еиҳа имаҷуп аԥшшәхәқәа рхы иадырхәо рыла", — иҳәеит Витали Кацәба.

Аҟәатәи ахәыҷтәы арҿиаратә ҩны "Аинари", Липецк ақалақь асахьаҭыхратә ҵараиурҭа №2 аҵаҩцәеи рцәыргақәҵа иалахәуп 100 ҭыхымҭак.

Ажәабжьқәа зегьы
0