"Хра злоу ахҭысқәа": Мзиа Беиаԥҳа Лабратәи аоперациа иазкны
"Арратә ҭоурыхҭҵааҩцәа Валикәа Ԥачлиеи, Дмитри Быҭәбеи, Гиви Ҵнариеи рматериалқәа рыла иаҳҳәозар, Лабра ақыҭа ақырҭуа арбџьарамчқәа ирымпыҵархалеит декабр 2 1992 шықәсазы. Лабра ақыҭа инхоз аерманцәа ракәын еиҳарак, дара ршәаны ирҭахыз рыларыгӡон. Ус еиԥш иҟан афакт: аҭыԥантәи ахацәа ажра ду ддыржит, аҳәсеи ахәыҷқәеи ҭаргыланы ишәымоу ахьы, аԥара аажәымгар иаҳшьуеит ҳәа рарҳәеит. Ари аҩыза агагшәыгра аныҟала ҳаибашьцәа рҽазыршәеит ақыҭа ахақәиҭтәразы аоперациа аиҿкаара. Агәыԥқәа "Дельфин", "Аԥсны", "Кындыӷ", "Дельфин 1", "Кама", "Чагьам", "Стрелец", "Каҭран", "Маугли", "Малыш", "Моряк", "Тамшь" еиднакылоз аибашьцәа ажәыларахь ииасит", — лҳәеит Беиаԥҳа.
Шәазыӡырҩла арадио Sputnik Аԥсны ишиашоу ицо аефир, асааҭ 18:00 рзы.
