АҞӘА, хәажәкыра 2 – Sputnik, Бадри Есиава. Апрофессионалтә бокс "Гладиатор" ахәылԥаз иалахәхоит аԥснытәи аспортсменцәа Игор Адлеибеи Баҭал Чежьиеи. Ахәылԥаз мҩаԥысуеит Анапа, хәажәкыра 17 рзы.
Дара уажәнатә аҽазыҟаҵарақәа ирҿуп, рхатә тактика алыркаахьеит. Абри атәы Sputnik акорреспондент изеиҭарҳәеит даар аспортсменцәа рхаҭақәа.
"Магас сызиааиз урыстәылатәи аспортсмен Игор Иаценкои сареи ҳаиҭеиндаҭлоит. Иара изы ари матч-реваншуп. Итактика иԥсахуазар акәхап, убри азы саргьы стактика еиҭаскуеит", — иҳәеит Игор Адлеиба.
Жәларбжьаратәи апрофессионалтә бокс ахәылԥаз аҟны иқәгылараны иҟоу Баҭал Чежьиагьы иҳәоит дзеисараны дыҟоу, Даӷьсҭантәи аспортсмен Мурад Далахаев ихымҩаԥгашьа шҭиҵаауа.
"Иареи сареи аринг аҟны ҳаиқәымшәацт. Уажәы сазыҟаҵаҩи сареи авидеоҭыхымҭақәа рыла итактика ҭаҳҵаауеит. Игор Адлеибеи сареи зыҟаҵаҩыс иҳамоу Владимир Акатов иоуп", — иҳәоит иара.
Чежьиа иара убасгьы далацәажәеит Аԥсны апрофессионалтә бокс Афедерациа иалҵра атәы, иҳәеит аилаӡара аҿҳәара 2018 шықәса ажьырныҳәамзазы ишынҵәаз, уи ашьҭахь уаҳа жәалагалак шимамыз.
"Сара уаанӡеиԥш уажәгьы Аԥсны ахьӡала сықәгылоит. Афедерациеи сареи ҳаилаӡара аҿҳәара ииасит, уи аҟнытә Анапатәи сықәгылараҿы афинанстә цхыраара аҽаџьарантәи ауп иахьсоуз", — иҳәоит Чежьиа.
Апрофессионалтә бокс "Гладиатор" ахәылԥаз иалахәхоит Аԥснытәи аспортсменцәа Игор Адлеибеи Баҭал Чежьиеи. Ахәылԥаз мҩаԥысуеит Анапа, хәажәкыра 17 рзы.
