АҞӘА, хәажәкыра 12— Sputnik. Аҩадатлантикатә алианс аҿы Украина "атәыла-аспирант" астатус арҭеит ҳәа аанацҳауеит РИА Новости.
Украинатәи арада аспикер ихаҭыԥуаҩ Ирина Геращенко лажәақәа рыла абри аинформациа НАТО асаит аҟны ицәыргоуп.
"Аҩадатлантикатә алианс аҿы Украина "атәыла-аспирант" астатус арҭеит. Шьаҿа-шьаҿала алианс ҳалахәылацәахоит", — ҳәа анылҵеит Геращенко Facebook аҟны лдаҟьаҿы.
Украина арезидент Петр Порошенко иакәзар алианс иаднакылаз аӡбра агәырӷьара инаҭеит.
"Ҭабуп ахысҳәаауеит Украина апозициа адгылара ахьарҭаз", — ҳәа иҳәоит иара.
Евроинтеграциа азҵаарақәа рзы аԥыза-министр ихаҭыԥуаҩ Иванна Климпуш-Цинцаӡе иазгәалҭеит астатус НАТО Украина аларҵеит ҳәа шаанамго, астатус ишазханаҵо Украина агәҭакы.
Киеви Бриуссели еилацәажәеит 2020 шықәса рзы Украина ишеиҿнакаауа иара НАТО ар ирықәшәо аҟаҵара.
