Афизик Стивен Хокинг иԥсҭазаара далҵит

© AFP 2022 / DESIREE MARTINStephen Hawking
Stephen Hawking - Sputnik Аҧсны
Анапаҵаҩра
Yandex newsTelegram
Афизик-теоретик Стивен Хокинг иԥсҭазаара далҵит.

АҞӘА, хәажәкыра 14 — Sputnik. Еицырдыруа англиатәи афизик-теоретик Стивен Хокинг 77 шықәса дшырҭагылаз иԥсҭазаара далҵит ҳәа аанацҳауеит РИА Новости, ателеканал BBC аинформациа шьаҭас иҟаҵаны.

Хокинг адунеи аҭҵаараҿы еицырдыруаз, 10 миллинкны зтираж ҭииз ашәҟәы "Аамҭа иааркьаҿу аҭоурых" автор акванттә космологиа ашьаҭаркыҩцәа дыруаӡәкуп. Иҭиҵаауан Адунеи аԥхьатә ҭагылазаашьа.

Аҵарауаҩ иаартрақәа рацәоуп акылаара еиқәаҵәақәа ртеориаҿы. Ҷыдала иара иоуп иаазыртыз акылаара еиқәаҵәақәа ренергиа шырцәыӡуа, маҷ-маҷгьы адунеитә-ҵакыра ишалаӡуа.

Аҵарауаҩ 1960-тәи ашықәсқәа раахыс имаха-ишьаха ихәаӡомызт. Убас шакәызгьы аҭҵаарадырра инапы алакын, арҵаратә практика мҩаԥигон, ажәахәқәа ҟаиҵон. Ауаатәыҩса рдунеии иареи еиманадон ацәажәара акомпиутортә синтезатор.

Аҵарауаҩ аԥхьатәи иԥҳәыс Джеин Хокинг лмемуарақәа "Путешествие к бесконечности: Моя жизнь со Стивеном" (Travelling to Infinity: My life with Stephen, 2007) шьаҭас иҟаҵаны иҭыхын асахьаркыратә фильм "Вселенная Стивена Хокинга" (The Theory of Everything, 2014).

Ажәабжьқәа зегьы
0