АҞӘА, хәажәкыра 16 – Sputnik, Сариа Кәарацхьелиаԥҳа. Анапылампыл азы Аԥсны еизгоу акоманда алахәхоит Казань имҩаԥысуа IV адунеизегьтәи ахәмаррақәа ҳәа Sputnik акорреспондент илзааицҳаит акоманда азыҟаҵаҩ Руслан Царгәыш.
"Ааԥхьара ҳарҭеит Ҭаҭарсҭан аҳҭнықалақь аҿы имҩаԥысуа ахәмаррақәа ҳрылахәхарц. Акоманда аилазаара еиҿкаауп. Иара иалахәуп Гәдоуҭа, Гагра, аҟәа рҟынтәи 14-15 шықәса зхыҵуа аспортсменкацәа", — иҳәоит иара.
IV адунеизегьтәи ахәмаррақәа рыламҭалаз ҳаспортсменкацәа Москватәи атурнир рҽаладырхәуеит.
"Уи зыҟаҵарак еиԥшуп. Москва иқәгыло аилазааралоуп Казангьы иқәгыло. Иазгәасҭар сҭахуп ҳаспортсменкацәа ахаарԥшра бзиа ргәы ишҭо", — иҳәеит Руслан Царгәыш.
Анапылампыл азы Аԥсны еизгоу акоманда алахәхоит Казань имҩаԥысуа адунеизегьтәи ахәмаррақәа.
