АҞӘА, хәажәкыра 19 – Sputnik. Апрофессионалтә бокс жәларбжьаратәи ахәылԥаз "Гладиатор" мҩаԥысит хәажәкыра 17 рзы, Анапа ақалақь аҿы. Иара иалахәхеит аԥснытәи аспортсменцәа ҩыџьа, Игор Адлеибеи Баҭал Чежьиеи. Аԥснытәи аспортсмен Игор Адлеиба аринг аҟны диеисараны дыҟан урыстәылатәи аспортсмен Олег Иаценко.
"Игори Олеги аиндаҭлара мҩаԥыргахьеит. Усҟан Игор актәи араунд аҿы накаут ала аԥыжәара игеит. Уажәы урыстәылатәи аспортсмен иҭахуп ацкыҟаҵара. Игор аԥхьа уи мап ацәикыр иҭахын. Игор иҭахын аҽа ҩаӡарак, аҽа ԥышәак аиура. Аха аиҿкааҩцәеи иара сареи агәра иҳаргеит 19 шықәса мацара анухыҵуа аҭакҟаҵарахь иуԥхьозар, уи акы уаанагоит ҳәа ишеилкаатәу", – иҳәеит аспорт азы аҳәынҭқарратә Еилакы ахантәаҩы ицхырааҩ Артур Адлеиба.
Игор ф-раундк дықәгылеит, рф-раундкгьы даиааиит. Игор Адлеиба ахы инаркны аԥыжәара иман. Аӡбаҩцәа зегьы еицҿакрыла аиааира ианаршьеит.
Апромоутертә еилахәыра "SKV Bokxing" анапхгаҩы Васили Костенко иазгәеиҭеит аԥсуа спортсмен иқәгылара бзиаӡан ҳәа.
Игор Адлеибеи Олег Иаценкои раԥхьатәи реисара мҩаԥысит 2017 шықәса ԥхынҷкәынмзазы. Усҟан Игор накаутла аиааира игеит.
Жәларбжьаратәи апрофессионалтә бокс ахәылԥаз аҟны иқәгылаз Баҭал Чежьиа диеисон Даӷьсҭантәи аспортсмен Мурад Далахаев. Абраҟагьы ф-раундк еисоз Баҭали Муради рыбжьара аԥыжәара ианашьан Баҭал Чежьиа.
Атурнир еиҿнакааит апромоутерт S еилахәыра KV BOXING.
