Рауль Ҳаџьымба Владимир Путин дидныҳәалеит

© Sputnik / Томас ТхайцукРауль Хаджимба
Рауль Хаджимба - Sputnik Аҧсны
Анапаҵаҩра
НовостиTelegram
Хәажәкыра 19, ашьыжь асааҭ 06.00 рзы аус рыдулан 99,75% ԥкаанҵа. Уи инақәыршәаны Владимир Путин изы рыбжьы рҭиит 76,67% алхыҩцәа.

АҞӘА, хәажәкыра 19 — Sputnik. Хәажәкыра 18 рзы Аҧсны Аҳәынҭқарра Ахада Рауль Ҳаџьымба Владимир Путин Урыстәылатәи Афедерациа Ахада имаҵурахьы иеиҭа иалхра идиныҳәалеит ҳәа аҳәоит атәыла Ахада иофициалтә саит.

Адныҳәалараҿы, ҷыдала, иҳәоуп:

"Абжьыҭира алҵшәақәа уаҩы ибартә иҟоуп, урҭ Урыстәыла ауааҧсыра Шәара аҵыхәтәантәи ашықәсқәа раан имҩаҧыжәгоз аусура ахырхарҭа агәра шырго дырҵабыргуеит. Акырӡа арҿыцра мҩаҧган аекономика, зҿлымҳара ду рыҭан асоциалтә ҟәша аҿиара, ашәарҭадареи атәылахьчареи ралыршара, жәларбжьаратәи аренаҿы Урыстәыла аинтересқәа рыхьчара", — ҳәа.

Рауль Ҳаџьымба иазгәеиҭеит Аԥсни Урыстәылеи риашьаратә еизыҟазаашьақәа ԥхьаҟагьы аҿиара роуп ҳәа дшақәгәыӷуа.

"Аҧсны жәлар ахә ҳаракны иршьоит Шәара арҭ ашықәсқәа зегьы ҳтәыла иашәҭо ацхыраара. Сгәы иаанагоит шәареи ҳареи ҳаиашьаратә еизыҟазаашьақәа аҧхьаҟагьы аҿиара роуеит ҳәа. Владимир Владимир-иҧа, гәахәарыла ишәзеиҕьасшьоит Урыстәыла аизҳазыҕьара иазку имариам шәус аҿы аихьӡарақәа!", — ҳәа азгәеиҭеит Рауль Ҳаџьымба.

Хәажәкыра 18, асааҭ 20:00 рзы рыбжьы рҭихьан 42 000-ҩык Аԥсны ауааԥсыра. Абжьыҭирахь инеиуа ирыман Урыстәыла атәылауаҩратә шәҟәы. Алхыҩцәа ирылшон дара рҭыӡҭыԥ еиҳа иазааигәаны иҟоу алхырҭатә ҭыԥ ахь инеины рыбжьы рҭиирц. Алхырҭатә ҭыԥқәа аус руан асааҭ 20:00 рҟынӡа.

Хаджимба проголосовал на выборах президента России - Sputnik Аҧсны
Рауль Ҳаџьымба Урыстәыла ахада иалхразы ибжьы аиҭеит

Аԥсны аҳәынҭқарра ахада Рауль Ҳаџьымба Урыстәыла ахада иалхразы ибжьы аиҭеит Аҟәатәи ажәиԥшьтәи абжьаратә школ аҿы иаарту алхырҭатә ҭып аҟны.

"Ари ахҭыс Урыстәылазы мацара азы акәӡам изыхадароу, ҳара ҳазгьы аҵак ду амоуп. Урыстәыла еснагь иӷәӷәаны иҟазар ауп аекономика, арратә мчқәа рганахьала, ус иагьыҟалоит ҳәа агәыӷра ҳамоуп", — иҳәеит Ҳаџьымба.

Аԥсны иҟоу Урыстәыла Ацҳаражәҳәаҩ Семен Григорьев ареспубликаҿ имҩаԥысыз алхрақәа дрылацәажәо иҳәеит зегьы еиҿкаарыла ишымҩаԥгаз. Иара ишиҳәаз ала алхрақәа рхы рыладырхәит аҵыхәтәантәи аамҭақәа рзы абжьыҭирахь имнеиуаз ауаагьы.

"Урыстәыла Ахада далхуа ауаа уаҵәтәи рԥеиԥш алырхуан", — иҳәеит иара.

Ацентртә алхратә комиссиа алахәыла Васили Лихачев иазгәеиҭеит Аԥснытәи алхыҩцәа активла рхаарԥшышьа.

Ажәабжьқәа зегьы
0