"11 шықәса ҵуеит шьҭа Набережные Челны афестиваль еиҿыркаауеижьҭеи, ақалақь еизнагоит аҩызцәа ҳәа хьӡыс иамоуп. Амашьына "Камаз" ҭзыжьуа азауад ауп еиҿызкаауа уи. Ҵыԥх ансамбль "Ваинах" рҭан, сынтәа ҳара. Амза 18 рзы ҳаннеи, Урыстәыла ахада иалхрақәа иақәшәеит, атәылауаҩра змоу ансамбль акәашацәа абжьыҭара рхы аладырхәеит. Уи гәахәала ирыдыркылеит ааԥхьара ҳазтаз", — иҳәеит Омар Ҭарба.
Иара иажәақәа рыла Набережные Челны имҩаԥысуаз афестиваль аҟны ансамбль "Кавказ" ақәгыларақәа даара ибзианы ирыдыркылеит, ааԥхьара рырҭеит агастрольқәа мҩаԥыргарц ҭагалан.
Акәашацәа рҟазара аарԥшразы астимул рызҭо атәы дазааҭгыло Ҭарба иазгәеиҭеит уи атәыла ахьӡ аҭыгара шакәу.
"Ҳаԥсыуаауп, излаҳалшо ала ҳкультура дҳарбароуп, уи ҳарԥшӡоит", —иҳәеит Ҭарба.
