АҞӘА, хәажәкыра 28– Sputnik, Бадраҟ Аҩӡба. Аԥсуа ԥқьаҭасыҩ Асҭамыр Кациа 9-10 шықәса зхыҵуаз рҟынтәи аԥқьаҭасратә тур "Пятигорская весна" атурнир аҟны аиааира игеит ҳәа Sputnik иазаалыцҳаит иара иазыҟаҵаҩ Елизабет Акуциа.
"Сааӡамҭаҩцәа раԥхьаӡа акәны ареспублика анҭыҵ ихәмаруан. Ҳара уаанӡа Гагра имҩаԥысуаз аԥқьаҭасратә турнир иалахәхахьан, аха асеиԥш аицлабра ду ҳалахәымхацызт", — лҳәеит лара.
Азыҟаҵаҩ илҳәеит Пиатигорсктәи атурнир аан Асҭамыр Кациа аочкоқәа маҷны ишимаз.
"Тур цыԥхьаӡа аочкоқәа роуеит. Асҭамыр 10 очкок ракәын имаз. Атурнир иалахәын 80-90-100 очко змаз аспортсменцәа. Актәи аикәшараҟны ҳара дҳақәшәеит рацәак иӷәӷәамыз ставропольтәи аспортсмен", — лҳәеит азыҟаҵаҩ.
Аҩбатәи аикәшараан аԥснытәи ахәмарыҩ диқәшәеит уаԥстәылатәи аспортсмен.
"Ҳара иҳалҳаршеит уи ииааира. Егьырҭ аҩ-хәмарракгьы рҟынгьы Асҭамыр диааиит", — лҳәеит Акуциа.
Егьи аԥсуа ԥқьаҭасыҩ Шармаҭ Шабаҭ 15 шықәса рҟынӡа зхыҵуаз ргәыԥ аҟны ахәбатәи аҭыԥ ааникылеит.
