АҞӘА, хәажәкыра 28 — Sputnik. Аахыҵ Уаԥстәыла иазыԥшуп аԥсуа жәлар рыкәашареи рашәаҳәареи рансамбль "Ерцахә" анеира. Аԥснытәи арҿиаратә коллектив Цхинвал иқәгылоит мшаԥымза 12 рзы ҳәа Sputnik Южная Осетия иазеиҭалҳәеит Аҳәынҭқарратә ансамбль "Симд" администратор хада Кристина Гаглоева.
Аԥсуа ансамбль "Ерцахә" Нхыҵ Кавказ имҩаԥнаго агастрольтә ныҟәарақәа рҳәаа иҭагӡаны Цхинвал иқәгылоит.
Ансамбль "Ерцахә" 40 шықәса ахыҵуеит. Напхгара аиҭоит Вианор Логәуа.
