АҞӘА, хәажәкыра 30 — Sputnik. Аусҭҵаара ишьақәнаргылеит "Зимняя вишня" ахатәтәҩы-еилахәыра адиректор Иулиа Богданова амцакра ашәарҭадара аганахь ала изныкымкәа аусуҩцәа рҟынтәи адыррақәа лоухьан ҳәа. Абри атәы аанацҳауеит РИА Новости, Урыстәыла аусҭҵааратә еилакы ахаҭарнак Светлана Петренко лажәақәа ҵаҵӷәыс иганы.
"Иахьа даанкылоуп Иулиа Богданова, Кемерово илыз ахәаахәҭратә-центр "Зимняя вишня" ахатәтәҩы-еилахәыра адиректор хада", — ҳәа лыҩуеит Telegram-аккаунт аҟны Урыстәыла аусҭҵааратә еилакы ахаҭарнак Светлана Петренко
Аусҭҵаара ишьақәнаргылеит "Зимняя вишня" ахатәтәҩы-еилахәыра адиректор Иулиа Богданова амцакра ашәарҭадара аганахь ала изныкымкәа аусуҩцәа рҟынтәи адыррақәа лоухьан, ахал ара иарбанызаалак абри аганахь ала уснагӡатәык лыдлымкылацызт ҳәа.
Ахәаахәҭратә центр "Зимняя вишня" аҟны амцакра ҟалеит хәажәкыра 25 рзы.
Иҭахеит 64-ҩык ауааԥсыра.
