АҞӘА, мшаԥы 2— Sputnik. Амаҵзуратә напынҵақәа: "амаӡаныҟәгаҩ-стенографистка", "астенографистка", "акьыԥхьра аҟәша аиҳабы" ушьҭарнахыс иалххоит Аквалификациатә дыррарбага. Абри атәы аанацҳауеит РИА Новости арадиостанциа "Говорит Москва" аҳәамҭа ҵаҵӷәыс иганы.
Астенографист изанааҭ аԥыхзарц ақәҵара инапы аҵеиҩит асоциалтә хьчареи аџьеи рминистр Максим Топилин.
Иазгәаҭоуп асеиԥш аӡбра зызрыдыркылаз арҭ рҩызцәа азанааҭқәа иахьа хархәара рыманы иахьыҟам азоуп.
Астенографиа ҿырҳәалатә цәажәара еиҳа ирццакны анҵароуп изызкыз. Уи азы ахархәара рыман адырга ҷыдақәа.
Иара аццакыра иаабац аҩыра аасҭа 4-7 рыла еиҳан.
